Libros de cabeceira


Hai libros que marcan a vida dun profe. Hai libros que dun xeito ou doutro modifican o teu xeito de ver as cousas, e polo tanto cambian o teu facer. Outros amplian a túa visión sobre as cousas e axúdanche a entender outras realidades. De seguido, enumero os meus libros de cabeceira uns guían a miña práctica diaria e outros axúdanme a seguir motivado.

Libertad y límites. Amor y respeto:

A súa autora Rebeca Wild fundadora entre outros proxectos do Pesta (centro escolar alternativo), mostra unha mirada moi diferente de cómo educar en liberdade, dentro duns límites (espaciais e temporais) que respecten a tod@s e onde o amor sexa o aceite que lubrique todo o mecanismo. Libro denso, con moitas paradas para a reflexión pero para mín, unha verdadeira marabilla.

limites

Despertad al diplodocus:

O seu autor é José Antonio Marina. Este autor así como a súa obra son moi criticados en certos círculos de mestre/as. Eu estaba deseoso de ter este libro e de botarlle unha ollada. O que Marina fai é establecer un paralelismo entre o noso sistema educativo e  un vello e enorme dinosaurio, un diplodocus. Despertad al diplodocus é un libro que propón directrices para promover o cambio educativo que comparto co seu autor: unha ciencia que apoie e reforce o traballo dos docentes, subir a nota de corte e mellorar a carreira universitaria e revisar constructivivamente o traballo dos mestres actuais entre moitas cousas. Este último punto incomodou a un sector do profesorado. Eu non teño nada que esconder, podería emitir por streaming as miñas clases e síiiii gustaríame moito que un experto  aportase melloras á miña praxis diaria. Ningún doutor opera só, porque os mestres sí??? Para mín, un libro inspirador.

Sin título

Elogio de la educación lenta:

O seu autor é Joan Doménech. Cercano, directo, inspirador e moi centrado nos problemas actuais, desenvolve a idea de cómo a sociedade actual, competitiva e sen escrúpulos, inflúe no sistema educativo plantexando uns temarios non só superextensos senón non adaptados en ocasións, á idade e ao nivel evolutivo dos nen@s. Outro mal do que adoece o noso sistema educativo e que Doménech sinala no seu libro é a aceleración de procesos vitais e de aprendizaxe como sucede coa lectoescritura na etapa de educación infantil.

La ética en el pensamiento y la obra pedagógica de Loris Malaguzzi:

Intentei rematalo dúas veces e sempre puido conmigo pero hai algo nel que me entusiasma. Alfredo Hoyuelos foi alumno de Loris Malaguzzi fundador e iniciador de la metodología educativa de las Reggio Emilia. É un libro pero que merece a pena.

El primer septenio:

Outra das xoias da coroa. Un libro de Rudolf Steiner pedagogo fundador da pedagoxía Waldorf. A miña irmá traballa na escola Meniñeiros de Friol (Lugo) e por iso teño acceso a esta bibliografía. Aínda que é unha visión moi diferente da evolución do nenos de 0-7, sen dúbida amplia a visión de calquera mestre.

Rincón a rincón:

Sen dúbida é o libro que máis consulto. Grazas a él, comprendín o que son realmente os recunchos: como organizalos, preparalos e como planificar propostas para os meus pícaros. O libro primeiro explica o funcionamento dos recunchos e despois desglosa un a un cada u dos recunchos máis típicos das clases: plástica, experimentos, matemáticas, xogo simbólico… Unha marabilla!!!!!

Matemáticas activas:

Este libro cambiou a miña visión das matemáticas na educación infantil. Cando comezas nisto, todo o baseas en aprender 1,2,3… ou traballar as formas coma si os nen@s foron idiotas. Con este libro entendes a importancia de aprender matemáticas facendo, medindo, saltando, unindo, clasificando, seriando pero sempre cun sentido.

 

Psicoanálisis de los cuentos de hadas:

Clásico entre os clásicos. Defende a ultranza importancia dos contos de fadas. Fai moito tempo que o lín, é un libro moi denso e complexo que de seguro non te deica indiferente.

El aprendizaje de la lectoescritura desde una perspectiva cosntructivista:

Foi en Madrid cando tomei contacto coa aprendizaxe da lectoescritura dende unha perspectiva constructivista. Dende aquela pasaron moitos anos e este libro e o volume II son sen dúbida dous libros superprácticos que aportan moitas ideas.

Hijos en Libertad:

Se tropezase cunha lámpara marabillosa e puidese pedir un desexo de mestre, sería retroceder no tempo e vivir un ano en Dorset (Inglaterra) e coñecer de cerca a este pedagogo. Teño que ser sincero, non creo que se vexa nada da súa influencia nas miñas clases, pero sen dúbida é das pedagoxías que máis me inspiran.

Jugar, cantar y contar:

Este libro leva conmigo dende o inicio. Fai pouco regaleillo a unha amiga miña que tamén é mestra. É un tesouro, unha marabilla que sempre atoparás na miña clase.